Токио ҳудудига кучли тайфун яқинлашмоқда. Шунингдек, бу ерда ушбу ҳафта охирида кучли ёмғир ёғиши кутиляпти.
Япония Метеорология Агентлигининг маълум қилишича, «Хагибис» тўфони Тинч океанининг шимоли-ғарбидан Япониянинг асосий оролига қараб ҳаракатланмоқда. Жума куни эрталаб шамол 180 км соатдан 250 км соатгача тезликда қайд этилган.
Токио жануби ва ғарбида 800 миллиметр (30 дюм) ёмғир ёғиши кутилмоқда. Пойтахт минтақасида шанба куни эрталабдан якшанба кунига қадар 600 мм (23, 6 дюм) ёмғир ёғиши мумкин.
Бўрон туфайли дам олиш кунларидаги спорт ва ҳордиқ чиқариш тадбирлари кечиктирилмоқда. Шанба куни бўлиб ўтиши кўзда тутилган Регби бўйича Жаҳон кубогининг иккита учрашуви бекор қилинган. Сузукидаги Формула-1 автопойгаси учун саралаш якшанба кунига кўчирилди.
Шунингдек, авиакомпаниялар ва поезд станцияларида қатновлар тўхтатилмоқда. “Nippon Airways” авиакомпанияси Токиодаги Ханеда ва Нарита халқаро аэропортларида шанба кунги барча ички рейсларини бекор қилган.
Uzbek