Мьянмада Рахинанинг ғарбий штатидан Янгон шаҳрига боришга уринганликда айбланиб, ҳибсга олинган 30 нафар роҳинжа орасида беш яшар бола ҳам бор.
Ўтган ҳафта мазкур шахслар бир кунлик суд жараёнидан кейин адвокатдан воз кечганликларини билдириб, икки йил муддатга озодликдан маҳрум этилган. Уларга қўйилган айблов – шахсни тасдиқловчи сохта ҳужжатллардан фойдаланганликдан иборат, дейди Human Rights Watch.
Ёлғон ҳужжатлар тайёрланганлигининг сабаби нотўғри ва адолатсиз йўлга қўйилга тизим ҳисобланади. Жумладан, роҳинжалар яшаб турган ерларини қонуний тарк этишлари учун улар ҳокимиятга яшашни режалаштирган манзилини ва хонадон бошлиғининг исмини, ташриф буюрувчига жавобгарликни ўз зиммасига олгани ҳақидаги далолатномани ва 45 кун ичида Рахинага қайтишларини ваъда қилган шаклни имзолашлари шарт.
«Бу одамлар шунчаки йиллар давомида дуч келган шафқатсизликдан қутулмоқчи бўлганлари учун жазоланмоқда», деди Human Rights Watch’нинг Осиё бўйича директори Бред Адамс.
Uzbek