Раҳим Стерлинг футбол мухлислари томонидан қилинган ирқчилик хатти-ҳаракатига нисбатан кескинроқ жазо чораларини қўллашга чақирмоқда, дея хабар беради The Wall Street Journal.
«Манчестер Сити» юлдузи, клублар ўзларини ҳақоратли хулқ-атворини бартараф этмаганлиги учун лигадан чиқарилиб юбориши кераклигини такидламоқда.
«Манчестер Сити» ҳужумчиси Раҳим Стерлинг футбол ўйини пайтида футболчиларга ирқчилик кайфиятида қичқирган мухлисларга жавобан қаттиқ жазо чораларини қўллади.
«Менимча, каттароқ жазолар бўлиши керак», деди жаноб Стерлинг сешанба куни «The Wall Street Journal» нинг Нью-Йоркда ўтказилган “Ҳар бир нарсанинг келажаги” фестивалидаги чиқишида.
«Агар мен футбол кўришга борадиган бўлсам ва «Манчестер Юнайтед»ни қўллаб-қувватлаётган бўлсам, стадионда аҳмоқона сўзларни айтиб, жамоамга ёрдам берадиган киши бўлишни хоҳламайман. Агар жамоангизнинг жаримага тортилиши ёки тўққиз очко айрилишини билсангиз, сиз бу ирқчилик сўзларини айтмайсиз», деди жаноб Стерлинг.
Аввалроқ, у мухлислари ирқчи хатти-ҳаракатлари билан шуғулланадиган жамоа учун тўққиз очкони олиб ташлаш таклифини берган эди. Бу эса, Премьер-лигада учта ғалабага тенг дегани.
WSJ’нинг «Ҳар бир нарсанинг келажаги» фестивалида «Манчестер Сити» ҳужумчиси Раҳим Стерлинг ўйинларда ва оммавий ахборот воситаларида ёритилаётган ирқчилик воқеаларини муҳокама қилди.
“Ҳозир 2019-йил. Бу янги аср, янги давр. Бундай нарсалар бу асрда бўлмаслиги керак», деди жаноб Стерлинг, футболда ирқчиликка оид хатти-ҳаракат ҳақида 21-май куни The Wall Street Journal фестивалида.
Жаноб Стерлинг оммавий ахборот воситаларини ирқчиликка оид воқеаларни ёритишда айблади. Ўтган йили «Челси» тарафдорлари ирқчилик ҳақида қичқирган видеога тушганидан сўнг, у бу мавзу бўйича Инстаграмда ўз постини эълон қилди.
Профессионал футболчилар ассоциацияси бу ҳодисадан сўнг ижтимоий тармоқларда бойкот қилишни таклиф қилди, бироқ жаноб Стерлинг буни рад этди. “Бундай ҳаракатлар бир кун амалга ошади, икки кундан сўнг одамлар буни унутадилар.»- деди Стерлинг.
«Янаям қаттиқроқ жазолар бўлиши керак», деди жаноб Стерлинг, «менимча, жамоаларни лигадан чиқариб юбориш каби янада қаттиқ жазолар бўлиши керак. Чунки, шундагина одамлар буни жиддий қабул қилишни бошлайдилар», дея у қўшимча қилди.
Шу ойнинг бошида «Сити» саккиз мавсумда тўртинчи ютғини қўлга киритди. Жаноб Стерлинг 2та гол урган Манчестер Сити ва Уотфорд ўйинидан сўнг клуб ҳар йили ўтказиладиган Англия кубогида ғалаба қозонди. Шундан сўнг у Нью-Йоркка етиб келди.
Сешанба куни томошабинлар томонидан берилган саволга жавобан жаноб Стерлинг Буюк Британияда ва АҚШда мухлислар ёки ирқчи гуруҳлар ўйинларда ўзларини ошкора қилган вазиятда жамоа эгаларининг аралашуви кераклигини айтди.
«Улар асосан, бундай хатти-харакатлар уларга ёқмаслигини айтишлари керак. Улар жамоаларини қўллаб-қувватлашлари мумкин, аммо бу 2019-йил. Бу янги аср, янги давр. Бундай нарсалар бу асрда бўлмаслиги керак», деди жаноб Стерлинг.
Uzbek