Курдлар етакчилигидаги Сурия Демократик Кучлари (СДК) Россия ва Туркия келишувига кўра минтақадан чекинишни бошлади. Сурия демократик кучларининг билдиришича, Россия ва Туркия ўртасида сешанба куни ўрнатилган келишувга кўра Сурия-Туркия чегарасидан кучларни олиб чиқиш бошланди.
“Сурия Демократик кучлари келишув шартларига кўра қон тўкилишини тўхтатиш ва минтақадаги аҳолини ҳимоя қилиш учун Туркия-Сурия чегарасидан чекиниб, Суриянинг шимоли-шарқи бўйлаб жойлашяпти”, деб айтиб ўтган СДК якшанба кунги баёнотида. Туркия ва Россия 22 октябрда Суриялик чегарачилар ва Россиялик ҳарбий полициячилар иштирокида чегарадан Сурия ичкарисигача бўлган 30 км ҳудудни 6 кун ичида Халқ мудофаа отрядлари (YPG) жангчиларидан тозалашга келишишди.
Эслатиб ўтиш жоизки, Туркия 9 октябрда Сурия Демократик Кучларидан ҳоли бўлган хавфсиз зона яратиш ва 3.6 миллион суриялик қочоқларни Сурия тупроқларида жойлаштириш учун ҳужумкор операция бошлаган эди. Бу кучлар Анқара томонидан террористик ташкилот сифатида тан олинган ва бу операция курдларга эмас, фақат жангариларга қаратилганини таъкидланган.
Uzbek