Tesla компаниясининг бошқарув кенгаши раиси сифатида Илона Маск ўрнини Робин Денхолм эгаллайди, деб хабар берди АиФ.
Хабарда, Денхолмнинг дарҳол ўз вазифасига киришиши айтилган.
Робин Денхолм 55 ёшда, 2014 йилдан буён Tesla директорлар кенгашида мустақил директор бўлиб ишлайди.
Аввалроқ, АҚШ қимматли қоғозлар ва биржа Комиссияси Илона Маскга қарши судга даъво аризасини киритган. Жумладан, уни Tesla акцияларини сотиб олиш учун етарли маблағлар мавжудлиги ҳақидаги ўз баёнотлари билан акциядорларни чалғитишда ва ёлғончиликда айблаган.
Маск бу ҳақда август ойида Twitter микроблогида ёзган. Натижада Tesla акцияларининг нархи 6 фоизга ошган.
Сентябрь ойининг охирида Tesla ва комиссия суддан олдинги келишувга эришди, унга кўра Маск 20 миллион доллар тўлаши ва бошқарув кенгаши раиси лавозимини камида уч йилга тарк этиши керак.
Шу билан бирга, у Tesla бош директори бўлиб қолиши мумкин. Бундан ташқари, компания 20 миллион доллар тўлаши керак ва унда иккита мустақил директор тайинланади.
Илон Маск 2003 йилда Teslaга асос солган. Дастлаб электр ускуналар ишлаб чиқаришга ихтисослашган компания кейинчалик қуёш батареялари ва бошқа энергия тўплаовчи тизимларни ишлаб чиқара бошлаган эди.
Uzbek