Шимолий Кореянинг Осиёни ларзага келтирган икки ракетаси учирилгандан сўнг, мамлакат раҳбари Ким Чен Ин бу ҳаракатлар Жанубий Кореянинг АҚШ билан янги ҳарбий машғулотлари олдидан “тантанали огоҳлантириш» эканлигини айтди. Бу хақда Arab News хабар бермоқда
Мамлакат давлат оммавий ахборот воситалари тарқатган хабарда, Ким ракеталарни «уруш оловини ёқувчи Жанубий Кореяга огоҳлатириш» бўлганлигини айтган.
Бу ҳодиса АҚШ ва Шимолий Корея расмийлари Ким Чен Ин ва Президент Доналд Трамп ўртасидаги музокараларни йўлга қўйиш учун курашаётган пайтда содир бўлди.
Шимолий Корея расмий Сеулнинг АҚШда ишлаб чиқарилган юқори технологик қирувчи самолётларни сотиб олишидан ғазабланган. АҚШ ва Жанубий Корея бу ёзда ҳарбий машқлар ўтказишни режалаштираётгани Шимолнинг айтишларича, “Пхеньян душманларининг босқинлар учун тайёрланишидир».
Жанубий Корея расмийлари пайшанба куни Шимолий Кореянинг ракеталари қисқа масофага мўлжалланган баллистик ракетанинг янги тури эканлигини ва ракеталар ҳақида кўпроқ маълумот олиш учун батафсил таҳлил қилиш кераклигини айтишди. Аммо кўплаб мутахассисларнинг таъкидлашича, қуроллар, эҳтимол, Шимолий Кореянинг Россия томонидан ишлаб чиқарилган «Искандар» қисқа масофали, ядрога эга баллистик ракетаси бўлиши мумкин.
Ушбу ракета тахминан 40 километр баландликда учиши ва парвоз пайтида кўрсатмаларга ўзгартиришлар киритиш учун мўлжалланган. Ракетанинг бу иккала имконият ҳам АҚШ ва Жанубий Кореянинг ракеталарга қарши мудофаа тизимидаги заиф томонлардандир. Искандар қаттиқ ёқилғи двигатели туфайли ҳам тезроқ ишга тушади ва уни йўқ қилиш қийинроқ.
Uzbek