Якшанба куни эрталаб Россиянинг АҚШдаги элчиси Анатолий Антонов Москвага қайтиб келди. Бундан бир неча кун аввал АҚШ президенти Жо Байден Россия раҳбари Владимир Путинни қотил деб атаган ва шунинг учун бу икки мамлакат ўртасидаги муносабатлар кескинлашганди. Антонов Москвага ҳозирги вазиятни муҳокама қилиш учун етиб келган.
ABC newsнинг Жо Байдендан олган интервьюси 17 март куни эълон қилинганди. Унда Байден Путинни қотил экани ва у АҚШдаги сайловларга аралашгани учун тез орада жавоб беришини айтди. Бунга жавобан Владимир Владимирович Байденни онлайн форматдаги жонли мулоқотга чақирди. Аммо, Байден бу таклифга ҳануз жавоб бергани йўқ.
Байденнинг интервьюсидан кейин Россия ўзининг АҚШдаги элчисини вазиятни муҳокама қилиш учун ортга чақириб олаётганини маълум қилганди. Якшанба куни Вашингтондаги Россия элчихонаси ўзининг ижтимоий тармоқлардаги расмий саҳифасида Анатолий Антоновнинг АҚШдаги аэропортдан самолётга чиқаётгани тасвирланган расмларни жойлади.
“Россия элчиси Анатолий Антонов Россия-АҚШ муносабатларини ўнглаш бўйича маслаҳатлашиш учун Москвага кетмоқда” дейилади элчихонада баёнотида.
Uzbek