Шосседа велопойгалар бўйича уч карра Олимпия ўйинлари совриндори Ольга Забелинская 18 август куни Жакартада (Индонезия) бошланадиган ёзги Осиё ўйинларида Ўзбекистон терма жамоасидан иштирок этади. Бу ҳақда Kun.uz мухбирига Ўзбекистон Миллий олимпия қўмитасидаги манба хабар берди.
Ўзбекистон миллий терма жамоасига ўтиш ниятида ҳақида россиялик спортчи 6 август, душанба куни матбуотга маълум қилди. Унинг маълум қилишича, Ўзбекистон паспортини олган ва янги терма жамоада ўз фаолиятини давом эттиради.
«20 июль куни у билан Токиодаги Олимпия ўйинларига қадар (2020 йил) шартнома тузилди. Мен у Ўзбекистон паспортини олганини биламан, бу ерга келди», – дея айтиб ўтди МОҚдаги манба.
Унинг айтишича, спортчи Индонезиядаги ёзги Осиё ўйинларида Ўзбекистон терма жамоаси таркибида ҳаракат қилади. Айни пайтда у Францияда, велопойгачи 16 август куни Жакартага етиб боради.
Россия Велоспорт федерациясидан маълум қилишларича, шосседаги велопойгалар бўйича Олимпия ўйинларининг совриндори Ўзбекистон миллий терма жамоасига ўтишига қаршилар, шунинг учун у 2020 йилги ўйинларни ўтказиб юбориши мумкин.
Uzbek