Россия, хом ашё нархлари бўйича келишмовчилик туфайли январь ойида Urals нефтини республиканинг нефтни қайта ишлаш заводларига етказиб беришни кескин қисқартирганидан сўнг, Белоруссия Норвегия нефтини импорт қила бошлади.
Россия 2020 йил бошидан, етказиб бериш шартлари ва хом ашё нархлари тўғрисида келишолмагач, Белоруссияга нефть экспортини сезиларли даражада камайтирган эди. Минск нефтнинг бошқа манбаларини қидиришни бошлади ва буни устига ҳозирда Белоруссиянинг нефтни қайта ишлаш заводлари минимал қувват билан ишлаб келмоқда.
Ўтган ҳафта Латвия ва Белорусия муқобил нефть етказиб беришни ташкил қилиш учун, Латвия портларидан фойдаланиш имкониятларини муҳокама қилишган эди.
Душанба куни «Белнефтехим» давлат концерни, 22 январь куни Белорусия нефть компанияси (БНК) Литванинг Клайпеда портига етказиб бериш шарти билан Норвегияни Johan Sverdrup нефтини сотиб олгани ҳақида маълум қилди.
Нефть темир йўл орқали Новополоцк нефтни қайта ишлаш заводига етказилади, дея аниқлик киритди концерн вакили.
Портдаги манбанинг баҳолашига кўра, Клайпедадан Новополоцк нефтни қайта ишлаш заводига нефт етказиб бериш, Белоруссияга нефть қувурлари орқали импорт қилишга нисбатан анча қимматга тушар экан, – яъни заводга темир йўл орқали ташиш ва транспортировка қилиш учун бир тоннасига 20 доллардан қимматга тушади.
Белоруссия илгари ҳам бир неча бор Россиянинг нефть турларига муқобил бўлган, Santa Barbara ва Azeri Light каби енгил турдаги нефтларни ўз заводларига етказиб олиб келган эди, бироқ етказиб бериш ҳар доим эпизодик ва намойишкорона харакетрда бўлган. Россия нефтига муқобиллар, Белоруссияга анча қимматга тушади.
«Ҳозир етказиб бериладиган ушбу нефтни кутмоқдамиз ва кейинчалик музокараларни давом эттирамиз», деди Белнефтехима вакили Рейтер агентлигининг келажакда нефтни етказиб бериш режалари ҳақидаги берган саволига жавобан.
Клайпеда порти Рейтерс агентлигининг ёзма сўровига жавоб бермади.
Сотувчи сифатида Франциянинг Total компанияси иштирок этиши мумкин, дея хабар беради Рейтер манбаси.
Total ўзининг савдо фаолияти ҳақида изоҳ бермади.
Бозорга Johan Sverdrup етказиб берилиши, 2019 йил кузида, Норвегияда шундай номдаги кон ишга туширилгандан сўнг бошланган эди. Ушбу турдаги нефть, Европа бозоридаги Urals нинг рақобатчиси ҳисобланади, чунки унга жуда ўхшаш сифат хусусиятлари мавжуд.
Uzbek