Душанба куни Россия ўзининг интернет хизматлари мамлакат халқаро интернет тармоғидан узилиб қолганда хам ишлай олишини текширувчи бир қатор синовларни якунлади. Бу ҳақда Алоқа вазирининг ўринбосари Алексей Соколов хабар берган. Ноябрь ойида Россия АҚШ миллий киберхавфсизлик стратегиясига жавобан «суверен интернет» тўғрисида қонун қабул қилганди.
Ушбу қонунга кўра, давлат идоралари ва хавфсизлик хизматлари, шунингдек, барча алоқа операторлари, мессенжерлар ва электрон почта провайдерлари интернет фойдаланувчиларига таъсир қилмайдиган бу тестларда иштирок этишлари керак.
«Бизнинг мақсадимиз Россия ҳудудида ҳар қандай шароитда узлуксиз интернет хизматини тақдим этишдан иборат. Текширув натижалари шуни кўрсатдики, давлат идоралари ва алоқа операторлари эҳтимолий таҳдидларга самарали жавоб беришга хамда интернет ва алоқанинг самарали фаолиятини таъминлашга тайёр», деди Соколов брифингда.
Uzbek