Сешанба куни Қоратоғ (Черногория) Бош вазири Дуско Маркович мамлакатга коронавирус кириб келгани ҳақида хабар берди. Вирусни юқтириб олган иккита аёлнинг бири АҚШдан ва яна бири Испаниядан 12 кун олдин мамлакатга қайтиб келган.
Иккала бемор ҳам касалхонага ётқизилган, дея хабар берди Маркович журналистларга.
Қоратоғ (Черногория) вируснинг тарқалишига қарши аллақачон чораларни кўрган. Шу жумладан, чегаралар ёпилган, жамоат транспорти фаолияти тўхтатилган, мактаблар, кафелар ва ресторанлар ҳам вақтинча ёпилган. Фақатгина супермаркетлар ва дорихоналар ишламоқда.