Индонезиянинг Шарқий Ява провинсиясида одамлар ижтимоий масофаланиш қоидасига амал қилишлари учун қўшимча чоралар кўрилмоқда.Бу ерда қоидабузарларга коронавирусдан ўлганларнинг жасадини кўмиш ёки жамоат жойларини тозалш каби жазолар қўлланилмоқда.Ҳозирда ушбу провинсия коронавирус тарқалиши бўйича мамлакатда иккинчи ўринда турибди.
Индонезия ҳукумати апрелдан бошлаб жамоат жойларида ниқоб тақишни мажбурий қилиб қўйган ва ҳудудий ҳукматларга бепул ниқоблар тарқатиш юкланганди.Аммо,кўпчилик одамлар бу қоидага бўйсунишмади.Натижада,провинсия раҳбарлари қоидабузарларнинг “ковушини тўгрилаб қўйиш учун” оғир жазоларни қўллашни бошладилар.
Шарқий Явадаги маҳаллий ҳукумат одамларнинг ҳаракатини кузатиш ва қоидабузарларни тозалаш ишларига жалб қилиш учун назорат пунктларини ўрнатди.
“Чекловларни бир мартадан кўп бузганларни жазолашнинг яна бир усули уларни CОВИД-19 сабаб вафот этганларни кўмиш жараёнига жалб қилишдир.Бозорларда ниқоб тақмаган сотувчи ва харидорлар уйларига қайтариб юборилади” дейди ҳукумат вакили Фатҳул Ҳуда.Индонезияда 1 июн куни 28 киши коронавирусдан вафот этди ва яна 467 киши уни юқтириб олди.Бу билан мамлакатда CОВИД-19га чалинганлар 29 940 тага,қурбонлар сони 1641 тага етди.Шу куни Шарқий Явада 65 та янги ҳолат қайд этилди.
Uzbek