Хитойнинг Xiaopeng Motors электр транспорт воситаларини ишлаб чиқарувчи компанияси 1,8 миллиард долларлик акциялар рўйхатини эълон қилди.
Компания халқаро сармоядорларга 80,75 миллион дона акцияларни тақдим этади ва 4,25 миллион акциялар Гонконгда дастлабки оммавий таклиф сифатида сотилади, дейилади хабарда.
Умуман компания танловларни ҳисобга олган ҳолда, 14,025 миллиард доллар (1,8 миллиард доллар) миқдоридаги акцияларни жойлаштиришни режа қилган.
Таъкидлаш керак, Гонконг фонд биржасидаги Xiaopeng Motors акциялари 7 июлдан бошлаб “9868” белгиси остида савдо қилади.
Компания қўшимча олинган маблағларни Xpilot ва Xmart операцион тизимларини ўз ичига олган янги автомобил моделлари ва дастурий таъминотини ишлаб чиқишга, бошқа технологик ишланмалар ва маркетингга, шунингдек дўконлар тармоғини ва қувват олиш станцияларини ривожлантиришга сарфлашини айтган.
Эслатиб ўтамиз, Xiaopeng Motors компаниясининг савдоси ўтган йилга нисбатан икки баравар, яъни 27 минг 41 автомобилга қўпайган. Компания жорий йилда учинчи электр транспорт воситасининг моделини чиқаришни режалаштирмоқда.
Uzbek