Саудиялик журналист Жамал Қошиқчининг Истанбулдаги САП консуллигида ўлимига алоқадор бўлганларнинг ҳаммаси жавобгарликка тортилиши керак. Бу ҳақда Туркия президенти Режеп Таййип Эрдоған, Буэнос-Айресдаги G20 саммити маросимидаги матбуот анжуманида сўзлаган, дея маълум қилади Анадолу агентлиги.
«Бу шафқатсиз жиноятнинг барча айбдорлари аниқланмагунча на ислом дунёси, на халқаро ҳамжамият қониқмайди», деди Туркия давлат раҳбари.
Туркия раҳбари Анқара, бу воқеани ҳеч қачон сиёсий масала сифатида кўриб чиқмаганлигини таъкидлаб ўтди. «Биз учун бу, пасткашларча амалга оширилган жиноят бўлган ва кейин ҳам шундай бўлади», – деди Эрдоған.
Президент Эрдоған, Туркиянинг бу жиноятни фош этиш учун барча имкониятларини сафарбар қилганини таъкидлаб ўтди. «Бу жиноятни Саудия ҳукумати дастлаб инкор қилди, кейинчалик уни бузиб кўрсатишга ҳаракат қилди ва ниҳоят улар, Туркиянинг мустаҳкам позицияси туфайли буни тан олинишига эришилди», деди Туркия президенти.
Бундан ташқари, Туркия президенти ушбу матбуот анжуманида Кипр , Сурия , Яман масаласига тўхталиб ўтди. Шунингдек, РФ президенти В.Путин билан учрашуви ва АҚШ президенти Д.Трамп билан музокаралари хусусида тўхталиб ўтди.
Uzbek