Европа Иттифоқи ва Германия расмийлари АҚШ билан «Шимолий оқим- 2» лойиҳасини санкциялардан олиб чиқиб кетиши мумкин бўлган келишув тўғрисида музокаралар олиб бормоқда.
Der Spiegel нашри ўзининг Берлиндаги манбаларига таяниб бераётган хабарига кўра, бир неча кун давом этган музокараларда америкаликларни қониқтириши мумкин бўлган «стратегик пакет» муҳокама қилинаётгани айтилмоқда.
Германия ўчириш механизмини жорий этишни таклиф қилмоқда, яъни агарда Россия томонидан инсон ҳуқуқлари ва халқаро қонунлар бузилган тақдирда «Шимолий оқим- 2» орқали газ етказиб бериш тўхтатилади, шунингдек, Қўшма Штатлар ва Украина манфаатларини ҳисобга олган ҳолда, халқаро энергетик шериклик тўғрисида шартнома тузилади.
Бундан ташқари, Берлин АҚШдан суюлтирилган газни қабул қилиш учун терминаллар қуриш учун 1 миллиард евро ажратишга тайёр, дея хабар бермоқда РИА Новостиниг музокаралардан хабардор бўлган манбаларидан бири. Унинг сўзларига кўра, бу битимнинг «эҳтимолий ва амалий сценарийси» бўлиши мумкин экан.
Америкаликлар билан алоқалар бошланғич босқичда, Вашингтоннинг реакцияси ҳақида келаси ҳафта аниқ бўлади, дейди Der Spiegel манбалари.
Уларнинг сўзларига кўра, қувур линиясига 5 миллиард евро сармоя киритган Европа компаниялари консорциуми, Германия ушбу лойиҳани сиёсий жиҳатдан қўллаб-қувватлашни тўхтатади, деб қўрқишмоқда, – ёки Европа Иттифоқи босими остида ёки Бундестагга сайловлар натижаларидан чўчишмоқда. Унинг натижаларига кўра, Вазирлар Маҳкамаси таркибига газ қувури қурилишига мутлақо қарши бўлган «яшил» лар кириши мумкин.
Uzbek