Иккала Корея чоршанба куни Корея урушидан кейин, 1950-53 йиллар оралиғида темир йўл ва автомобил йўлларини қайта қуриш лойиҳасини амалга киритди. Аммо Шимолий Кореяга қарши санкциялар сақланиб қолинар экан, амалда қурилишни бошлаш мумкин эмас. Бу хақда REUTERS ёзмоқда.
Иккала томон октябрь ойида муносабатлар илиқлашиши доирасида темир йўллар ва автомобиль йўлларини қайта тиклаш бўйича ишларни бажаришга келишиб олган бўлиб, Қўшма Штатларнинг Шимолий Кореяни ўз ядровий қуролларидан воз кечишга мажбур қилишга қаратилган харакатлари тарафларни хавотирга солиб, шижоатларини сусайтириши мумкин.
Жанубий Корея транспорт вазири Ким Хёнми, чегаранинг Шимолий Корея тарафида бўлиб ўтган маросим олдидан сўзга чиқиб, «биз қурилишни бошлашдан олдин, қиладиган жуда кўп ишлар бор”, деди.
Қурилишни бошлаш учун зарур бўлган материаллар ва инвестициялар, БМТ ва АҚШнинг Пхеньян ядровий ва ракета дастурларига нисбатан киритилган санкциялари билан тақиқланган. Вашингтон, Шимолий Корея ядровий қуролидан воз кечмагунча санкцияларни сақлаб қолиш қарорида қатъий турибди.
Жануб амалдаги битимларга таянишга харакат қилиб, кореялараро муносабатларни ривожлантириш денуклеаризацияга ижобий таъсир кўрсатишига умид қилмоқда”, деб ҳисоблайди Сеулдаги Асана сиёсий тадқиқотлар институтининг катта илмий ходими Шин Беом-Чул.
«Бироқ, қурилишнинг амалда йўқлигини ҳисобга олиб, мувофиқ равишда, Кимнинг ўз режимини кучайтириш борасидаги саъй-ҳаракатлари асосида, Шимолий Корея санкцияларга қарамасдан, буни юзага чиқариш учун, жанубга босим ўтказишда давом этади», дея қўшимча қилди у.
Uzbek