Оқ уй ва Марказий разведка бошқармаси, Россия президенти Владимир Путинга Марказий разведка бошқармаси директори Уилям Бернс президент Жо Байден номидан тузилган тинчлик режаси доирасида давом этаётган урушни тугатиш учун Украина ҳудудининг бешдан бир қисмини таклиф қилгани ҳақидаги хабарга муносабат билдирди.
Марказий разведка бошқармаси расмийсининг Newsweek нашрига маълум қилишича, Швейцария-Германияни Neue Zürcher Zeitung (NZZ) газетасининг материалида Бернс январь ойида Москвага яширин равишда сафар қилгани ва МР директори Оқ уй номидан тинчлик таклифи билан чиққани ҳақидаги маълумот «мутлақо ёлғон» .
Ўтган ой Бернс Украина президенти Владимир Зеленский билан учрашиш учун Киевга яширинча борган, деб ёзади The Washington Post.
Хабар қилинишича, Бернс 2022 йил 24 февралда бошланган урушни тугатиш режасини январь ўрталарида тақдим этган. Бу ҳақда пайшанба куни Германиянинг юқори мартабали хорижий сиёсатчиларига таяниб NZZ хабар берди.
Newsweek изоҳ сўраб, Украина ва Россия ташқи ишлар вазирликларига мурожаат қилди.
Газетани маълум қилишича, таклифда Украина ҳудудининг тахминан 20 фоизини Россияга бериш кўрсатилган бўлиб, бу таҳминан Украинанинг шарқий Донбас ҳудуди билан бир хил.
Швейцарияда расмий мақомга эга бўлган NZZ нашрига кўра, Киев ҳудудларининг бўлинишини истамагани учун бу таклифни рад этган, ўз навбатида, Россия расмийлари эса “барибир узоқ муддат кетса ҳам урушда ғалаба қозонамиз”, деб айтган.
Оқ уй Миллий хавфсизлик кенгаши матбуот котиби ўринбосари Шон Деветт Newsweek нашрига берган интервьюсида NZZ хабари “аниқ эмас” ва Марказий разведка бошқармаси ҳам худди шундай дейишини айтди.
Ахборот агентлигининг ёзишича, немис сиёсатчилари Байден Украинада узоқ давом этадиган урушдан қочишни хоҳлаётганини ва шунинг учун бу ҳудудни тинчлик режасининг бир қисми сифатида таклиф қилганини айтишган.
Украина ва Россия таклифни рад этганиндан сўнг, Байден маъмурияти Киевга Abrams танкларини беришга ваъда берди, деб хабар беради NZZ.
25 январь куни АҚШ Украинага 31 тагача M1 Abrams танкларини юборишини эълон қилди. Маълумотларга кўра, танкларни етказиб бериш бир неча ой давом этиши мумкин.
Хабарларга кўра, икки сиёсатчи АҚШ расмийлари Украинада қарийб бир йил аввал бошланган урушни қандай ҳал қилиш борасида қарашлари иккига бўлинган.
Бернс ва Байденнинг миллий хавфсизлик бўйича маслаҳатчиси Жейк Салливан урушни иложи борича тезроқ тугатишни хоҳламоқда, шунда улар асосий диққатларини Хитойга қаратиши мумкин бўлади. Бир пайтни ўзида, Давлат котиби Энтони Блинкен ва Мудофаа вазири Ллойд Остин Россия қоидаларга асосланган дунё тартибини бузганлик учун жазодан қутулиб қолишини истамаяпти ва Украинани оммавий равишда ҳарбий жиҳатдан қўллаб-қувватлашга чақиришган.
Uzbek