Оқ уйда электромобиллар бўйича мажлис бўлиб ўтди. Унда президент Жо Байден Ford ва General Motors каби йирик автокомпаниялар раҳбарлари билан музокара ўтказган.
Учрашув доирасида АҚШ президенти Жо Байден 2030 йилгача сотилаётган йўловчи транспорт воситаларининг ярми электромобиллар бўлишини таъминлаш бўйича фармонни имзолаган.
Мазкур учрашувнинг энг қизиқ томони, унга Tesla компанияси раҳбарининг таклиф этилмагани, дейилмоқда хабарда.
Чунки, Business Insider нашрининг маълумотига кўра, АҚШда сўнгги уч йилда сотилган жами электромобилнинг 74 фоизи айнан Tesla компанияси ҳиссасига тўғри келади.
Tesla компаниясининг раҳбари Илон Маск АҚШ президенти Жо Байден уни Оқ уйда электромобилларга бағишлаб ўтказган учрашувга чақирмагани жуда ғалати, деган.
«Ҳа, Teslaни таклиф этмагани менга ғалати туюлди», – деб ёзди Маск Twitter саҳифасида.
Uzbek