Исроил томонидан уюштирилган ҳаво ҳужумлари сабаб Суриянинг шарқида камида 19 нафар жангари ҳалок бўлди, деб хабар қилди пайшанба куни Инсон ҳуқуқлари бўйича Сурия Обсерваторияси. Ушбу жангчилар Эрон томонидан қўллаб-қувватланган.
“Пайшанба тонгида бўлиб ўтган ушбу ҳужумда Дейр Эззор вилоятидаги Албу Камол шаҳри яқинидаги Эрон томонидан қўллаб-қувватланган қуролли кучларга зарба берилган бўлиб, унда асосан чет эллик жангарилар ҳалок бўлди” деди Обсерватория.
Исроил камдан-кам ҳолларда ўзининг якка ҳолда уюштирган ҳужумларини тан олади. Аммо, Обсерватория Исроилни 21 ноябрдан бошлаб Суриядаги эронпараст кучларга қарши яна иккита ҳаво ҳужумини уюштирганликда айбламоқда.