Тоза қуёш энергиясидан фойдаланиш борган сайин тезлашиб бормоқда.
Шаҳар мавзеларини қуёш панеллари билан таъминлаш учун, бутун бир йирик майдонлар жиҳозланмоқда, кўпчилик компаниялар янги турдаги энергияга ўтиши хақида баёнотлар бершмоқда.
Ҳа, қуёш нури энергияси қўлланиладиган бир қанча автомобиллар ҳам бор. Бироқ, бу технологиялар ҳеч қайси бири, кундалик турмушимизда мунтазам қўлланиладиган- қўлда кўтариб юрадиган -ақилли электроникадай фойдаланилмайди.
Бироқ, Исроилнинг 3GSolar компанияси туфайли бу нарсалар ўзгариши мумкин.
Bloomberg нашри хабар беришича, компания яқинда миниатюра қуёш панелларини жорий этди ва у ҳатто бино ичида ҳам ишлатилиши мумкин.
3GSolar бош директори Барри Бриннинг сўзларига кўра,
«Бизнинг қуёш батареяларимиз, одатдаги қурилмаларга ўхшамайди.У кремний элементларига эга бўлмай, электрни генерация қилиш учун махсус бўёқ қўлланилади ва бу бўёқни биз лабораториямизда ишлаб чиқарамиз. Батареялар, бино ичида фойдаланиш учун махсус мўлжалланган ва енгил нур манбаларидан ҳам энергияни қабул қилиши мумкин. «
Аввало, компания ёруғлик сезгичлар, термостатлар, ҳаракатлар сенсорлари ва бошқа ақлли гаджетлар каби уй жиҳозларига эътибор қаратмоқда.
Шу билан бирга, қўлда олиб юриладиган электроникада ҳам қўлланилишини инкор этмайди.
Дарҳақиқат, бундай ёндашув илгари қўлланилмаганлиги ўйлантириб қўяди, аммо ишлаб чиқувчиларнинг сўзларига кўра, бундай техникани илгариги технологиялар кечирилмас даражада қимматлаштириб юбориши мумкин бўлган экан.
«Қурилмамизга биргина кичкина қисмчани қўшилиши, маҳсулотнинг умумий қийматини ўртача $ 1 га ошиб кетиши мумкин. Бундан ташқари, акккумулятордарда ишлайдиган кўплаб уйдаги ақлли майиший уй жиҳозлари ҳар йили ёки шу атрофидаги муддатларда алмаштирилиши керак бўлади. 3GSolar кичик қисмлари тахминан 10-15 йил хизмат қилади.»
Бугунги кунга келиб компаниянинг дастлабки сармояси 9 миллион долларни ташкил этган ва 2020 йилга қадар 36 миллион миниатюра қуёш батареяларини чиқаришни режалаштирган.
Шу билан бирга, ўз вақтида амалга ошириш учун 3GSolarга 7,5 млн. керак бўлади.
Uzbek