Чоршанба куни Чад кўлининг шимолий-шарқий қисмидаги ҳужумда «Боко Ҳарам» жангарилари 14 нафар Чад фуқаросини ўлдирди ва беш кишини яралади.
Шунингдек, яна 13 киши қидирилмоқда. «Боко Харам” ўн йилдан бери Нигериянинг шимолий-шарқий қисмида исломий халифаликни барпо этиш учун курашмоқда ва қўшни Чад, Нигер ва Камерун чегараларига мунтазам ҳужумлар уюштириб келади.
Ушбу ҳужумда Чад кўли бўйидаги Кайга қишлоғи яқинидаги балиқчилар лагерига зарба берилди. Бу ер 2009 йилдан бери жангарилар томонидан нишонга олиниб келинади. Шу йилнинг март ойида «Боко Харам» жангарилари уюштирган ҳужум чоғида камида 23 нафар Чадлик аскар ўлдирилган эди.
Чадлик ҳарбийлар АҚШ томонидан тайёрланган ва Ғарбий Африкадаги «Боко Харам»га қарши курашиш учун юборилган гуруҳнинг бир қисмидир.
Бу ҳудудда сўнгги ўн йилликда юз берган зўравонликлар натижасида 30 мингдан ортиқ одам ҳалок бўлган ва қарийб 2 миллион одам ўз уйларини тарк этишга мажбур бўлди.
Uzbek