Ўтган ҳафтада “Арсенал” футболчиси Месут Ўзил Хитойдаги уйғурларга ўтказилаётган зулмни қоралаб, бу ҳақда твиттерда пост қолдирганди.
Бунга жавобан Хитойнинг CCTV телеканали якшанба кундаги «Арсенал»нинг «Манчестер Сити»га қарши ўйини транслациясини бекор қилди.
«Арсенал» Ўзилнинг бу фикрлари клубга дахлдор эмаслигини таъкидлади. Аммо Хитой ушбу клубга «жиддий таъсир кўрсатиши» ҳақида огоҳлантирди.
«Арсенал»нинг собиқ менежери Арсен Венгер Месут Ўзилни бу фикрлари учун ҳимоя қилди.
«Месут Ўзил ҳам бошқалар сингари сўз эркинлигига эга ва у ўзининг фикрларини билдиришга ҳақли», деди Венгер 18 декабрь куни Доҳада журналистларга.
“Энг муҳими, Ўзилнинг ўз жавобгарлиги бор. У «Арсенал» футбол клубининг сўзларини айтмади. Шунинг учун Ўзил нима деса, бу унинг ўз фикри бўлади, ”Арсенал”нинг эмас» дея қўшимча қилди Венгер.
Uzbek