13 март жума куни Кения, Эфиопия, Судан ва Гвинеяда коронавирус билан касалланган илк беморлар қайд этилди. Бу билан Африка қитъасидаги вирус тарқалган мамлакатлар 18 тага етди.
Африка қитъаси шу вақтга қадар CОVID-19 нинг тез тарқалишидан сақаланиб келаётганди. Вирус айни дамда дунё бўйлаб камида 127,000 одамга юқди ва у сабабли 4,700 нафар одам ҳалок бўлди.
Африкадаги касалланганларнинг аксарияти чет элликлар ёки чет элга саёҳат қилган одамлардир. Вируснинг тез тарқалишини чеклаш учун тезкор синов ва карантинлар жорий этилди. Аммо қора қитъанинг ушбу касалликка қарши курашиш қобилияти борасида хавотирлар кучаймоқда.
Коронавирус Африканинг Марокаш, Тунис, Миср, Жазоир, Сенегал, Того, Камерун, Буркина-Фасо, Конго Демократик Республикаси, Жанубий Африка, Нигерия, Кот-дъИвуар, Габон, Гана, Гвинея, Судан, Кения ва Эфиопия давлатларида қайд этилган.
Кения пойтахти Найробида ҳукумат барча йирик оммавий тадбирларни тақиқлади ва чет элга чиқиш чекланишини айтди. Эфиопия пойтахти Аддис Абеба мери фуқароларни яқин алоқа қилишдан қочишга чақирди, аммо соғлиқни сақлаш вазири парвозларни бекор қилиш режалари йўқлигини маълум қилган.
Uzbek