Ироқнинг терроризмга қарши кураш кучлари ИШИДнинг “Ироқ ҳокими” вазифасида ишлаган Муатаз Нумон Ал-Жубурини Сурияда олиб борилган ҳаво ҳужумларида ўлдирди, дея хабар берди ИНА ахборот агентлиги.
Ироқ хавфсизлик кучлари бундан олдин ҳам Ал-Жубурини 16 марта нишонга олган ва у Ироқдан қочиб кетганидан сўнг ҳам уни таъқиб қилишда давом этган.
“Сизнинг терроризмга қарши кураш ташкилотидаги қаҳрамонларингиз ИШИДнинг қолган вакилларини ҳам қаерда бўлмасин таъқиб қилишда давом этади” дея Терроризмга қарши кураш ташкилоти баёнотидан иқтибос келтирган ИНА. Шунингдек, ушбу баёнотда айтилишича, Ироқ хавфсизлик кучлари жангариларга қарши курашда замонавий технологиялардан фойдаланаётганлиги айтилган.
Эслатиб ўтамиз, Ироқ 26 май куни Ар-Рутба чўлида ИШИДнинг учта қуролланган машинасини йўқ қилганини айтганди. Ўтган ҳафтада эса ИШИДнинг раҳбари ва олдинги раҳбар Абу Бакр Ал-Бағдодийнинг давомчиси деб ҳисобланган Абдул Носир Қардош ҳам қўлга олингани маълум қилинган.
Uzbek