Гибралтар ҳукумати, Гибралтардаги инглиз қироллик денгизчилари Европа Иттифоқининг санкцияларини бузган ҳолда, Сурияга нефть етказиб беришда гумон қилинган Grace 1 супертанкерини қўлга олганлари хақида хабар қилди, дея ёзмоқда Reuters агентлиги.
Ҳукумат, Grace 1 супертанкери нефтни Суриядаги Баняс нефтни қайта ишлаш заводига олиб кетаётганига ишониш учун асосли сабаблар борлигини айтди.
Гибралтар бош вазири Фабиан Пикардо шундай деди: «Бу нефтни қайта ишлаш заводи Европа Иттифоқи Сурияга қарши санкцияларга учраган инсонга тегишли. Маълумот учун, 2011 йил май ойида Сурия ҳукуматига қарши ЕИ санкциялари кучга кирган.
«Менинг розилигим билан портимиз ва ҳуқуқни муҳофаза қилиш идоралари ушбу ҳарбий амалиётни амалга оширишда ёрдам бериш учун Қироллик денгиз пиёда аскарларига мурожаат қилишди».
Чоршанба куни ҳукумат танкер ва унинг юкига қарши санкция қўллаш тўғрисидаги фармон чиқарди.
Рефинитив Эикон картаси кема Эрондан сузиб чиққанлигини ва агар юк Эрон нефти эканлигини тасдиқласа, бу ҳаракат АҚШнинг Эрон нефтини экспорт қилиш бўйича қўллаган санкцияларини бузилиши сифатида кўрилиши мумкин.
Картографик маълумотларга кўра, кема, Мисрдаги Сувайш канали орқали эмас, балки Африканинг жанубий қирғоқлари бўйлаб узоқроқ йўлни босиб ўтган.
Кема Панама Республикасининг байроғи остидаги танкер бўлиб, 300 минг тонна юк кўтариш имкониятига эга.
Uzbek