Францияда 9 ёшли бола коронавирус билан касалланган, у билан алоқада бўлган 172 кишидан бирортасига касаллик юқмаган. Бу ҳақда The Guardian хабар бермоқда.
Бола чанғи учиш курортида коронавирус билан касалланган, аммо тергов шуни кўрсатдики, унинг ўз сингиллари ва ака-укаларига ва у билан гаплашган бошқа одамларга юқмаган. Шунга қарамай, бола билан алоқада бўлган барча шахслар эҳтиёт чораси сифатида карантинга олинган.
Тестлар шуни кўрсатдики, бола Covid-19 дан ташқари бошқа респиратор вирусиларини юқтирган. Унинг икки нафара укаларига “ОРВИ” ўтган, аммо коронавирус бўлмаган.
Болада касаллик енгил кечган ва тестдан ўтказилганда коронавирус даражаси деярли сезилмаган. Олимларнинг фикрича, вирус ҳеч кимга юқмаганлигининг сабаби, чунки болада енгил аломатлари бўлган.
Тадқиқотчиларнинг фикрига кўра, болаларда кўпинча енгил аломатлар бўлганлиги сабабли, улар вирусни юқтирган катталарга қараганда камроқ тарқатувчи бўлишади ва тезроқ тузалиб кетишлари мумкин.
Эслатиб ўтамиз, дунёда коронавирус инфекциясини юқтирганлар сони 2,5 миллион кишидан ошди.
Uzbek