2020 йилда дунё бўйлаб CОVID-19 касаллигидан камида 17 минг нафар тиббиёт соҳаси вакиллари вафот этган. Бу ҳақда Amnesty International компаниясининг жума куни эълон қилган таҳлиллари натижасида хабар қилинган. Amnesty International дунёда вакцина бўйича нотенглик тобора катталашиб бораётган бугунги кунда биринчи бўлиб айнан коронавирус билан биринчи фронтда кураш олиб бораётган тиббиёт соҳаси ходимлари эмланиши кераклигини таъкидлади.
Amnesty International ўтган йили 17 минг та соғлиқни сақлаш вакилининг вирус қурбонига айланганини “фожиа ва адолатсизлик” деб атаган.Бу дунёда ҳар 30 дақиқа ичида битта шифокор CОVID-19 сабаб ўлаётганини англатади.
“Расмий берилган статистикада 17 минг та ходим вафот этгани айтилган. Аммо, бу ҳақиқий қурбонлар сонидан анча камдир. Чунки, жуда кўп мамлакатларда касалланиш ва қурбонлар сони асл миқдордан камайтириб кўрсатилиш ҳолати мавжуд” дейди ташкилотнинг иқтисодий ва ижтимоий адолат бўлими раҳбари Стив Кокбер.
Amnesty International ташкилоти ушбу статистикани 70 дан ортиқ мамлакатларда олиб борилаётган расмий статистикага асосланиб тузган.Унга кўра, ўтган йилиАҚШда камида 3507 соғлиқни сақлаш ходимиCОVID-19 касаллигидан вафот этган. Мазкур рақам Мексикада 3371 тани, Бразилияда 1143 тани, Россияда 1131 ва Буюк Британияда 931 тани ташкил қилган.
Uzbek