Дубай полицияси уйида мусиқий гуруҳ билан базм уюштирган аёлни 10 000 дирҳам (2722 АҚШ доллари) миқдорида жаримага тортди. Аёл ҳозирги коронавирус пандемияси туфайли кўпчилик бўлиб тўпланишга қарши жорий қилинган қоидаларни бузганликда айбланган.
Полициянинг маълум қилишича, қоидабузар аёл ўз уйида базм уюштирганида меҳмонлар ва мусиқий гуруҳ ижтимоий масофаланиш ва ниқоб тақиш қоидаларига амал қилмаган.
“Дубай полициясининг Жиноят қидирув департаменти раҳбари Жамол Салим ал-Жаллаф аёлнинг ушбу қоидаларнинг 38- бандини бузганинини айтди, унда йиғинлар, шахсий ва оммавий тадбирларга таклиф қилганлар, уни ташкиллаганлар 10 000 дирҳам миқдорида жаримага тортилиши айтилган” дейилади полиция баёнотида.
Шунингдек, Ал-Жаллаф ушбу базмда қатнашган меҳмонларнинг ҳар бири 5000 дирҳамдан (1361 АҚШ доллари) жарима тўлашганини маълум қилди.
Uzbek