Президент Дональд Трамп Эрон генерали Қосим Сулаймоний йўқ қилинганидан кейин баёнот берди. Унинг сўзларига кўра, Қўшма Штатлар Эрондаги режимни ўзгартиришни ўз олдига мақсад қилиб қўймаган, аммо Эрон Америка фуқароларига таҳдид соладиган бўлса, «барча зарур чораларни кўришга тайёр», деди.
Трамп: «Кеча тунда биз урушни тўхтатиш учун ҳаракат қилдик. Биз уруш бошлаш учун ҳаракат қилмадик.»
Трампнинг сўзларига кўра, «айбсиз одамларнинг ўлими Сулаймонийнинг иштиёқли касаллиги эди», қайсики у «воқеа жойида қўлга олинди ва йўқ қилинди».
Трамп, шунингдек, АҚШ дунёдаги энг яхши қуролли кучлар ва разведка хизматларига эга эканлигини айтди. Шунингдек, у Эрон халқига чуқур ҳурмат кўрсатишини таъкидлади.
Трамп ушбу баёнотни Янги йил таътилида бўлган Мар-а-Лаго гольф курортида қилди. У журналистларнинг саволларига жавоб бериб ўтирмади.
Uzbek