АҚШ конгрессидаги Вакиллар палатасининг ташқи алоқалар қўмитаси, Россиянинг G7 форматидаги саммитида қатнашишига қарши бир овоздан қарор қабул қилди, деб ёзади “РБК.
Таклиф конгрессмен Альбио Сиреис томонидан киритилди. Ҳужжатга кўра, Россия «ўз қўшниларининг ҳудудий яхлитлигини ҳурмат қилмагунча ва демократик жамиятлар стандартларига амал қилмагунча» Катта еттиликда иштирок этмаслиги керак.
Конгрессда нутқ сўзлаган Сирейс, 2014 йилдан бошлаб, Россия Украинанинг жануби-шарқидаги можаролар фонида G7 да иштирок этишни тўхтатганидан кейин, унинг G7 га қайтиши учун ҳеч қандай шартлар бажарилмагани ҳақида таъкидлаб ўтди. Аксинча, конгрессменнинг сўзларига кўра, Россия «(Украина ҳудудида) янада тажовузкор бўлиб, бошқа кўплаб мамлакатларда, шу жумладан, АҚШда демократияни бузган».
Август ойи охирида АҚШ президенти Дональд Трамп Россияни аввалги G8 форматига қайтаришни таклиф қилиб, бу ишни мақсадга мувофиқ бўлади, деб ҳисоблади. Кейинчалик Трамп, Россия етакчиси Владимир Путин келгуси йил саммитга меҳмон сифатида ташриф буюриши мумкинлигини айтди.
Бир қатор Европа давлатлари Россияни қайтаришдан олдин Украинадаги инқирозни ҳал қилиш кераклигини таъкидладилар. Европа Иттифоқи Президенти Дональд Туск G7 саммитига Россияни эмас, балки Украинани чақиришни таклиф қилди.
Uzbek