Германия канцлери Ангела Меркель чоршанба куни Брекситнинг иқтисодий зарарлари ҳақида ўз фикрларини билдириб ўтди. У авиации саноати бўйича бўлиб ўтган анжуманда: «Иқтисодий осмон булутларсиз эмас, глобал танглик ва Британиянинг Европа Иттифоқидан чиқиб кетиши бизга муаммоларни келтириб чиқармоқда. Мен бугун ташриф буюрган Буюк Британия бош вазири Борис Жонсон билан қандай қилиб келишмовчиликларнинг олдини олиш ҳақида гаплашаман, чунки биз иқтисодий ўсишга эришиш йўлида бир қанча тўсиқлардан ўтишимиз керак», дейди Меркель.
Жонсон Британия 31 октябрь куни Европа блокидаги давлатлар билан келишмовчиликлардан халос бўлиш-бўлмаслигидан қатъий назар Европа Иттифоқидан чиқиб кетишини маълум қилди. Берлинга сафари олдидан Жонсон ўз твиттер саҳифасидасида «Биз 31 октябрь куни Европа Иттифоқидан чиқамиз ва бу мамлакатни дунёдаги энг яхши маконга айлантирамиз», деб ёзилган пост қолдирган.
Жонсоннинг қатъий позицияси уни ЕИ раҳбарлари билан келишмовчиликка олиб келди. Улар собиқ раҳбар Тереза Мей даврида келишилган битимлар сўнггиси эканлигин айтиб, бошқа 27 мамлакат ўртасида бирдамлик зарурлигини таъкидладилар. Европада шов-шувларга сабаб бўлгаб Брексит режасининг тарафдори Жонсон эса Британия дуч келиши мумкин бўлган сиёсий қийинчиликларни бартараф этишига ишонмоқда.
Берлинда Жонсонни Меркель билан музокаралар олдидан мартабали ҳарбийлар қабул қилишади. Кейин у пайшанба куни Макрон билан учрашув учун Францияга йўл олади. Ҳафта охирида улар АҚШ президенти Дональд Трамп, Италия ва Япония раҳбарлари билан Франциянинг денгиз бўйидаги Биарритс курортида G7 саммитида учрашадилар.
Uzbek