Ушбу қарор Суғд ва Боткен вилоятлари раҳбарлари Ражаббой Ахмадзода ва Абдикарим Алимбоевларнинг учрашувида қабул қилинди.
Қирғизистон Республикаси Миллий хавфсизлик давлат қўмитаси Чегара хизмати маълумотларига кўра, Тожикистон ва Қирғизистон чегараларида полиция постлари ташкил этилган. Чегарачилар биргаликда чегарани қўриқлашади.
Боткен вилояти маъмурияти Тожикистоннинг чегарадош Сўғд вилояти раҳбарияти билан ўтказилган музокаралар натижалари бўйича чегарадаги муаммоларни ўз вақтида ҳал қилиш мақсадида ҳар ҳафта учрашувлар ўтказишга қарор қилинганлигини хабар қилди. Тегишли протокол имзоланди.
Аввалроқ маълум бўлишича, 17 май куни уч киши Тожикистон ва Қирғизистон томонидан ҳибсга олинган.
Эслатиб ўтиш жоизки, Тожикистон ва Қирғизистон чегарасида вазият 28 апрель куни кескинлашган эди. «Бош сув ҳавзаси» участкаси ҳудудида тожик томони электр узатиш симлари устунларига видеокузатув камераларини ўрнатишни бошлади. Можаро содир бўлган жойда ҳар икки томондан 100-150 киши атрофида тўпланган. Фуқаролар ўртасидаги қарама-қаршилик тош отишга айланиб кетган.
Uzbek