Alphabetнинг Google, Apple Inc ва Firefох браузери ишлаб чиқарувчиси Мozilla чоршанба куни Қозоғистон ҳукуматига ўз браузерларидан фойдаланган ҳолда интернетни назорат қилиш тизимини яратишга тўсқинлик қилиш учун чоралар кўрди.
Google Chrome ва Моzilla Firefox ҳукуматлар шифрлаш тизимини блокламоқчи. Ушбу тизим ҳукуматга браузерлардан фойдаланган ҳолда фойдаланувчи тури ёки ёзувларини, шу жумладан ҳисоб маълумотлари ва паролларни ўқишга имкон беради, дейилади компанияларнинг баёнотида.
Шунингдек, Аpplе компанияси ҳам ўз баёнотида Safari браузеридан фойдаланувчиларни ҳимоя қилиш учун шунга ўхшаш чоралар кўрилишини айтди.
Бу ҳолатга Қозоғистон ҳукумати дарҳол изоҳ бера олмади.
Давлат хавфсизлик хизмати ходимлари, бундан мақсад қозоқ фойдаланувчиларини хакерлик ҳужумлари, интернетдаги фирибгарликлар ва бошқа кибер-таҳдидлардан ҳимоя қилиш эканлигини айтишди.
Қозоғистон Миллий Хавфсизлик Қўмитаси шу ойда қилган баёнотида, агар миллий хавфсизликка таҳдидлар кибер ва ахборот хуружлари кўринишида пайдо бўлса, тизим яна жорий қилиниши мумкинлигини маълум қилди.
Қозоқ ҳукумати танқидий хабарлар тарқатиладиган сайтлар ва мобил иловаларни гоҳ-гоҳида қисқа муддатга блоклаб туради. Улар қаторида YouTube ва Facebook ҳам бор.
Интернетдаги чекловлар кўпинча намойишлар пайтида амалга оширилади. Сўнгги маротаба 9 июндаги президент сайловлари пайтида интернет тармоғи блокланган эди.
Uzbek