Амазонияни қамраб олган тутун Аргентина республикасининг шимолига қадар етиб борди. Бу ҳақда мамлакат Метеорология хизмати матбуот хизмати маълум қилмоқда.
Мутахасислар фикрига кўра, тутун Боливия, Парагвай ва Бразилия жанубидан келган. Кейинги икки кун ичида атмосферадаги кул консентрациясининг янада ошиши кутилмоқда.
Бундан ташқари, метеорологлар келгуси ҳафта ўрмон ёнғинларидан тутун Бразилия билан чегарадан 1000 км жануби-шарқда жойлашган Аргентина пойтахти Буенос-Айресгача етиб бориши ҳақида огоҳлантирмоқдалар.
Мутахассисларнинг таъкидлашича, ўрмон ёнғинлари Аргентинада иқлим ўзгаришига олиб келиши мумкин, ўрмонларнинг нобуд бўлиши туфайли атмосферада намлик камроқ сақланиб қолади, бу эса ёғингарчилик миқдори камайишига олиб келади.
Эслатиб ўтамиз, аввалроқ Амазонкадаги ўрмон ёнғинлари мавзуси G7 мамлакатлари раҳбарларининг Францияда бўлиб ўтадиган учрашувида муҳокама қилиниши хабар қилинган эди.
Uzbek