Афғонистоннинг Ariana Afghan Airlines миллий авиаташувчиси Кобулдан Анқарага парвозларни бошлади, деб хабар бермоқда Афғонистон миллий олимпия қўмитаси раҳбари Назар Муҳаммад Мотмаин.
«Ariana Afghan Airlines Анқарага қатновни бошлади. Яхши муваффақият», — деб ёзди у ўзининг Twitterдаги саҳифасида.
Анқарадаги “Эсанбуға” халқаро аэропортининг онлайн таблоси берган маълумотда Кобулдан учиб келган ҳаво кемаси Туркия пойтахтига маҳаллий вақт билан 17:30 да келиб қўнгани акс этган.
Кейинги уч ой ичида Афғонистонда ҳукумат алмашгандан кейин Кобулдан учадиган кўплаб авиарейслар парвозларни тўхтатиб қўйганди.