Чоршанба куни Япониянинг жануби-ғарбий қисмида жойлашган Асо тоғида вулқон отилиши юз берди деб хабар бермоқда Kyudo` сайти.
Япония метеорология агентлиги маълумотларига кўра, портлаш бугун Токио вақти билан 11:43 Накадаке кратерида содир бўлган.
Хавф даражаси 5 балли шкаладан 3 га кўтарилган, метеороглар одамларни тоғга яқинлашмасликка чақирмоқда.
Токио Вазирлар Маҳкамаси Бош котиби Хироказу Матсуно журналистларга ҳозирча ҳеч қандай шикастланишлар ҳақида маълумот йўқлигини ва маҳаллий ҳокимият тоғда альпинистлар бор-йўқлигини аниқлаш устида иш олиб бораётганини айтган.
Uzbek