Албания Бош вазири Эди Рама Тирана Хуан Гуайдони Венесуэланинг вақтинчалик раҳбари, дея баёнот берди. Бу ҳақда ЎзА бевосита РИА Новостига таяниб ёзмоқда.
Венесуэланинг парламент спикери Хуан Гуайдо чоршанба куни вақтли ҳукумат даврида ўзини мамлакат Президенти сифатида эълон қилди ва давлат раҳбари сифатида қасамёд қабул қилди. АҚШ Гуайдони тан олди ва Венесуэла Президенти Николас Мадурони мамлакатнинг ноқонуний раҳбари ҳисоблаб, ундан оппозицияга қарши куч ишлатмасликни талаб қилди.
“Албания Хуан Гуайдони Венесуэланинг вақтинча Президенти, деб тан олди. Мен Албания халқи номидан Гуайдога ва матонатли венесуэлаликларга мамлакатни ўз халқи учун жаҳаннамга айлантирган ноқонуний ҳукуматдан халос бўлишида муваффақият тилайман”, деб ёзган Рама ўзининг Twitterдаги саҳифасида.
Мадуро ўзини конституцион Президент сифатида эълон қилиб, мухолиф парламент раҳбарини “АҚШнинг қўғирчоғи” деб атаган. Қисқа вақт ичида АҚШдан ташқари Канада, Аргентина, Бразилия, Чили, Колумбия, Коста-Рика, Гватемала, Гондурас, Панама, Парагвай, Перу ва Грузия Гуайдони мамлакат раҳбари сифатида тан олди.
Uzbek