Хитойлик прокурорларнинг 19 июнь куни хабар беришича, ҳозирда ҳибсда ушлаб турилган Канаданинг икки фуқароси – собиқ элчи Майкл Ковриг ва тадбиркор Майкл Спавор жосусликда айбланмоқда. Аммо, суд ҳали уларни расман айбдор деб топмаган. Агар бу айбловлар тасдиқланса, Канада фуқаролари Хитойда бир умрлик қамоқ жазосига ҳукм қилинишлари мумкин. Бу эса Пекин ва Оттава муносабатларининг ёмонлашувига олиб келади.
Канада Бош Вазири Жастин Трудо бу хабардан “жуда хафа бўлгани” ни ва икки фуқаросини озод қилиш учун Хитойга босим қилишда давом этишини айтган.
Майкл Ковриг ва Майкл Спавор 2018 йилда Хитой хавфсизлигига таҳдид қилганликда гумонланиб ҳибсга олинганди.Бундан сал аввал Канада ҳам АҚШнинг рухсати билан Хитойнинг “Huawei Technologies” компаниясининг бош иқтисодий директори Менг Wанзоуни қўлга олганди.Хитой канадаликларнинг ҳибсга олиниши Менг билан боғлиқ эмаслигини айтган бўлсада, экспертлар Хитойнинг бу ҳаракати Канадага босим ўтказиш учун қилинганини таъкидлашмоқда.
Хитой кўп марта Менгнинг озод этилишини талаб қилди ва Канадани АҚШга ёрдам бергани учун ёмон оқибатга учраши мумкинлиги ҳақида огоҳлантирди.
Хитой ташқи ишлар вазирлиги матбуот котиби Зао Лижиан жума куни бўлиб ўтган бифингда айтишича,канадаликларга қўйилган айбловлар Жиноят кодексининг 111 моддасини қайд этилган бўлиб,улар 10 йилдан умрбодгача бўлган қамоқ жазосини олишлари мумкин.
“Фактлар аниқ ва исботлар етарлидир. Ковриг қайд этилган айбловларга жавобгар деб топилиши мумкин”, дейди Зао Лижиан.
Uzbek