Россия Бош вазирининг ўринбосари Юрий Борисовнинг Каракасга ташрифи чоғида иқтисодиёт, энергетика ва технология бўйича бир қатор Россия-Венесуэла шартномаларининг имзоланиши кутилмоқда. Бу ҳақида Венесуэла президенти Николас Мадуро маълум қилди, дея хабар беради Venezolana de Television телеканали.
Унинг сўзларига кўра, Россия ва Венесуэла ҳукуматлараро комиссиясининг йиғилиши 4 ва 5 октябрь кунлари бўлиб ўтади. Музокаралар мақсади иқтисодий, энергетика, технологик ва молиявий соҳаларда битимлар тузишдир.
Аввалроқ Regnum хабар берганидек, сентябрь ойида Венесуэла раҳбари Москвага ташриф буюрди ва у ерда Россия президенти Владимир Путин билан музокаралар ўтказди. Кремлда қайд этилганидек, давлат раҳбарлари ҳарбий-техник ҳамкорлик масалаларини муҳокама қилдилар. Ушбу учрашувни шарҳлаб, Мадуро Россияни «21-асрнинг буюк кучларидан бири» деб атади.
Uzbek