Спортнинг аралаш жанг санъати турида суперюлдуз даражасига кўтарилган Конор Макгрегор 7 июнь куни ўз фаолиятини якунлаганини эълон қилди.
Ирландиялик жаҳон чемпиони ўзининг Твиттердаги расмий саҳифасида жанг қилиш даври якунланганини ёзиб, онаси Маргарет билан тушган суратини жойлади.
“Йигитлар,мен урушни ташлашга қарор қилдим. Ажойиб хотиралар учун барчангизга раҳмат. Бу жуда яхши саёҳат бўлди”, деган ирланд жангчиси ўз постида.
Макгрегор 2018 йилнинг октабр ойида ўзининг асосий рақиби Хабиб Нурмагамедовга енгилганди. Шундан сўнг у 2019 йилнинг мартида илк бор спортни ташлаётганини маълум қилганди. Аммо,15 ойдан сўнг у яна октагонга қайтди ва америкалик Доналд Серронени 40 сонияда нокаутга учратди.
Аралаш жанг санъати спорти тарихидаги энг машҳур спортчилардан бири бўлган 31 ёшли Макгрегор фаолияти давомида 22 та ғалабага эришган ва 4 маротаба мағлубиятга учраган. У бир вақтнинг ўзида иккита чемпионлик камарига эгалик қилган биринчи УФC жангчиси эди.
Uzbek