Душанба куни Туркия президенти Таййип Эрдоған коронавируснинг тарқалишини тўхтатиш учун 31 та шаҳарда тўрт кунлик комендантлик соати жорий қилинишини айтди. Ушбу блокировка ишлари 23 апрель пайшанба кунидан бошлаб кучга киради.
Туркия ҳукумати ўтган икки ҳафта охирида ҳам бундай чораларни жорий қилганди. Эрдўғаннинг айтишича, 23 апрелда нишонланадиган миллий байрам муносабати билан бу сафарги чекловлар узоқроқ давом этади. Шунингдек, Туркия раҳбари мамлакатда ҳар ҳафта охирида жорий қилинаётган комендантлик соатини яна бир қанча вақт давом этишини маълум қилган.
Душанба кунги ҳолатга кўра, Туркияда коронавирус билан касалланганларнинг умумий сони 90 980 нафарга етди. Вафот этганлар эса 2 140 тани ташкил қилмоқда.
Соғлиқни сақлаш вазири Фахреттин Кочанинг айтишича, ҳозиргача жами
13 430 киши коронавирусдан шифо топган. Мамлакатда эпидемия бошлангандан бери қарийб 674 киши текширувдан ўтказилган.
Туркия май ойи охирида, Ийд ал-Фитр байрамидан кейин ҳаётни нормаллаштиришни мақсад қилмоқда.
Uzbek