Туркия Шинжондаги одамлар бахтли ҳаёт кечираётганини тан олади, деб хабар беради Reuters агентлиги.
Сешанба куни Хитой давлати оммавий ахборот воситалари Хитойнинг, тортишувларга сабаб бўлган радикализмга қарши сиёсати ҳақида Туркия Президенти Тоййиб Эрдўғаннинг сўзларини келтириб ўтган.
Шинжонда экстремизмга қарши курашиш учун “касбий таълим марказлари”ни ташкил этгани учун Хитой кўплаб халқаро танқидларга дуч келмоқда, кўпгина ғарб давлатлари туркий тилда сўзлашувчи мусулмон уйғурлар жойлаштирилган бундай марказларни мажбурлов лагерлари деб атамоқда.
Туркия, АҚШ Инсон ҳуқуқлари бўйича Кенгашида қаттиқ танқид қилинган Шинжондаги вазиятга ўз хавотирини билдирган ягона мусулмон давлатдир.
Хитой президенти Си Цзинпин ва Эрдўған ўртасидаги Пекиндаги учрашув ижобий ўтди, дея хабар беради Хитой давлат ахборот агентлиги.
«Шинжон вилояти аҳолиси Хитойнинг ривожланишида ва фаровонлигида бахтли яшашлари ҳақиқатдир», деб айтган Эрдўған.
«Туркия, Хитой ва Туркия ўртасидаги муносабатларда ҳеч кимни норози бўлишига йўл қўймайди. Туркия экстремизмга қаттиқ қаршилигини билдирди ва Хитой билан ўзаро сиёсий ишончни мустаҳкамлашга ва хавфсизлик ҳамкорликни кучайтиришга тайёр «, деди Эрдўған.
Си, Эрдоғанга икки давлат терроризмга қарши ҳамкорликни ривожлантириш учун амалий қадамлар ташлаш кераклигини билдирди.
Хитой, Эрдоғаннинг «Туркияда ҳар қандай анти-хитой кучларни мавжуд бўлишига йўл қўймаслигини» ва «Хитойнинг терроризмга қарши курашни қўллаб-қувватлаши” ҳақида айтган гапларини юксак қадрлашини билдирган.
Сўнгги йилларда Шинжонда Пекин томонидан “исломий экстремистлар ва сепаратистлар” деб айбланган юзлаб одамлар ҳалок бўлди.
Uzbek