Туркия президенти Ражаб Тоййиб Эрдўған Суриядаги вазиятни изоҳлади, дея хабар бермоқда Анадолу агентлиги.
Туркия президенти Ражаб Тоййиб Эрдўған Суриянинг шимолий ҳудудларидаги вазиятга изоҳ бериб, 200-250 минг муҳожир Туркия чегараси йўналишига қараб яқинлашиб келаётгани ҳақида маълум қилди.
Туркия раҳбарининг сўзларига кўра, оқимни тўхтатиш учун бир қатор чоралар кўрилмоқда, аммо бу осон иш эмас, чунки бу гап одамлар ҳаёти ҳақида бормоқда.
Туркия беш миллиондан ортиқ қочқинларнинг уйига айланди, уларнинг тўрт миллиони сурияликлардир, дея эслатди Эрдўған.
Шу муносабат билан, ўз шаҳарларида чет элликларни кўришни истамаганларнинг қўллаб-қувватлаш хақидаги сўзлари самимийлик йўқдай, ишонарли туюлмаяпти, деди Эрдўған.
«Мен очиқ айтаманки, Ғарб давлатлари бундан ҳам катта фалокатларга дуч келишади, чунки бу мамлакатлардаги наркобаронлар Туркиядаги террорчилик ташкилотлари билан боғланган», – деди Туркия президенти.
Норозиликлар фонида, Европада кўрилаётган хавфсизлик чораларини изоҳлар экан, Туркия раҳбари: «Гўё тартиб ва эркинликнинг рамзи бўлган Ғарб шаҳарлари, бирданига очиқ осмон остидаги қамоқхоналарга айланди», деди.
Uzbek