БМТ экспертлари толибларнинг афғон аёллари ва қизларини боғ ва спорт заллари каби жамоат жойларидан четлатиб, мактаб ва университетларга киришини тўхтатиб қўйиши инсониятга қарши жиноят бўлиши мумкинлигини айтди. Бу ҳақда «Independent» нашри хабар берди.
Бирлашган Миллатлар Ташкилотининг Афғонистон бўйича махсус маърузачиси Ричард Беннетт ва БМТнинг яна тўққиз нафар эксперти Афғонистон томонидан имзоланган “Rome Statute”га кўра, аёллар ва қизларга нисбатан бундай муносабат «гендер таъқиби» сифатида белгиланиши мумкин.
Шунингдек, БМТ экспертлари аёлларни ўз уйларига қамаб қўйиш қамоқ билан баробарлигини ва аёлларни уйда сақлаш оиладаги зўравонлик ва руҳий саломатлик муаммоларининг кўпайишига олиб келиши мумкинлигини айтди.