Токио метросида йўловчиларга пичоқ билан ҳужум қилган ва ёнғин чиқарган шахс полицияга “одамларни ўлдирмоқчи бўлганини ва ўлим жазосини олмоқчи эканлигини” айтган, деб хабар бермоқда Кёдо ахборот агентлиги.
Қайд этилишича, ҳужум қилган шахс воқеа жойида қўлга олинган. Бунга у қаршилик кўрсатмаган. Эркак ўзини Кёта Хаттори деб таништирган.
Гувоҳларнинг сўзларига кўра, ҳужум пайтида эркакнинг қўлида ошхона пичоғи ва пластик шиша бўлган. Хаттори аввалига саккизинчи вагондаги кекса одамга пичоқ билан ҳужум қилган, кейин эса олтинчи вагонга ўтиб, у ерда ёнғин чиқарган. Ушбу ҳодисадан талафот кўрган қурбонлар сони 17 кишига етган. Кўкрагига пичоқ урилган кекса одам оғир тан жароҳат олган. Қолган 16 нафар киши тутундан заҳарланган.
Uzbek