Tesla компаниясининг раҳбари Илон Маск » General Motors » компанияси ёпишни режалаштираётган корхоналарни сотиб олиши мумкинлигини истисно қилмади. CBS телеканалининг “60 дақиқа” кўрсатувида » агар GM корхоналарни сотадиган бўлса ёки улардан фойдаланмаса», унда Teslaни бу масала қизиқтириши мумкин, деди у. Бу хақда “Коммерсантъ” хабар бермоқда.
Аввалроқ, АҚШ президенти Дональд Трамп General Motors автоконцерни учун субсидияларни Қўшма Штатларда ишлаб чиқаришни қисман тўхтатиши сабабли қисқартириш мумкинлигини айтган эди. У Огайо, Мичиган ва Мериленд штатларидаги корхоналарининг ёпилишидан «жуда ҳайратда» эканини таъкидлаган эди.
General Motors компанияси еттита корхонасини ёпиши ва моделлаштириш линиясини оптималлаштиришга қаратилган йирик қайта жиҳозланиш тўғрисида 26 ноябрь душанба куни эълон қилган эди. Компания қайси моделларни ишлаб чиқаришни тўхтатиши ҳақида хабар бермаган эди, аммо хайдовчисиз автомобил ва электромобиль ишлаб чиқаришга харажатларини икки баравар ошириш ниятида эканини маълум қилган эди.