Финляндияда 34 ёшли Санна Марин мамлакат Бош Вазири этиб сайланиши деярли аниқ бўлди. Агар бу ҳодиса юз берса у дунёнинг энг ёш бош вазирига айланади. Қуйида ёш бўлган яна бир қанча дунё раҳбарлари билан таништириб ўтамиз.
1.Олексий Хончарук, 35 ёш, Украина бош вазири. Президент Владимир Зеленскийнинг тарафдори ва сиёсатдаги шогирди ҳисобланувчи Хончарук 2014 йилда парламентга номзодини қўйган, аммо унда ғалаба қозона олмаганди.
- Ким Чен Ин. Чимолий Кореянинг раҳбари 35 ёшда деб таҳмин қилинади. Жаҳон сиёсатидаги энг эътибор марказидаги раҳбарларидан бири бўлган Ким АҚШнинг 73 ёшли раҳбари Доналд Трампни “чиройли” сўзлар билан “сийлаб туради”.
- Найиб Букеле, 38 ёш, Сальвадор президенти. У сентабрь ойидаги БМТ йиғилишида селфи тушишни таклиф қилмоқчи эди. Лекин, бу таклифни кейинга қолдиришга қарор қилди.
- Жакинда Ардерн, 39 ёш, Янги Зеландия бош вазири. У аёл ҳуқуқлари, иқлим ўзгариши ҳақидаги қарашлари учун мақтовга сазовор бўлиб келади. Аммо октябрь ойида ўтказилган сўровларга кўра, унинг машҳурлиги пасайиб бормоқда. Бунга унинг иқтисодий ўсиш ва партиясининг жинсий тажовузга оид шикоятларга муносабати сабаб бўлди.
- Қатар амири Шайх Тамим бин Ҳамад аль-Таний, 39 ёш. 2017 йилда Саудия Арабистони, Бирлашган Араб Амирликлари, Баҳрайн ва Миср Қатарни терроризмни қўллаб-қувватлашда айблаб, у билан дипломатик ва савдо алоқаларини узганди. Аммо, Қатар бу айбловни рад этди.
Uzbek