Россия Мудофаа вазири Сергей Шойгу Сурияга ташриф буюрганидан кейин коронавирус инфекцияси текширувидан ўтди, деб хабар беради Звезда телеканали 24 март куни.
Шунингдек, Сурияга ташриф буюрган делегациянинг барча аъзолари тиббий кўрикдан ўтишди. Хусусан, шифокорлар ҳароратни ўлчашди ва вирусни текшириш учун намуна олишди. Барча таҳлиллар салбий натижани кўрсатди.
Эслатиб ўтамиз, 23 март куни Россия мудофаа вазирлигининг Сергей Шойгу бошчилигидаги делегацияси Дамашққа ташриф буюрган эди. Вазир Араб Республикаси Президенти Башар Асад билан учрашди. Томонлар Идлиб вилоятидаги вазиятни, шунингдек, Суриянинг тикланишини муҳокама қилишди.
Uzbek