Саудия Арабистонининг БМТдаги доимий вакили Абдулла бин Яҳё Ал-Муаллами дунёнинг баъзи ҳудудларида Исломофобия (Исломдан қўрқиш) айниқса ҳозирги пандемия даврида янада ўсиб бораётганидан хавотирда эканлигини таъкидлади, дея хабар берди Saudi Press Agency.
Ал-Муалламининг айтишича, дунё коронавирус инқирози билан курашаётган ҳозирги пайтда инсон ҳуқуқларини ҳимоя қилиш муҳим. Шунингдек у, мусулмонларга қарши камситувчи ҳаракатларни амалга оширганларга чора кўриш кераклигини таъкидлаган.
Ал-Муаллама бу изоҳларни Ислом Ҳамкорлик Ташкилоти элчиларининг виртуал йиғилишида айтиб ўтган.Бу йиғилишда Саудиянинг бошқа расмийлари ҳам иштирок этган.