Саудия Арабистони Туркиянинг Сурия шимолидаги курдларга қарши ҳужумини қоралади ва буни «ҳарбий тажовуз», деб баҳолади. Туркиянинг Сурия шимолидаги курд жангчиларини йўқ қилишга қаратилган ҳарбий операцияси душанба куни тушдан кейин ҳаво ҳужумлари ва артиллерия билан бошланди. Кечқурун қуруқликдаги кучлар чегарани кесиб ўтишди.
Қироллик Ташқи Ишлар Вазирлиги ушбу операция минтақавий хавфсизликка таҳдид эканлигини ва Дайш жангариларига қарши курашдаги халқаро ҳаракатларга путур этказишини айтди. Ушбу ҳужум «Сурия ҳудудларининг бирлиги, мустақиллиги ва суверенитетини қўпол равишда бузиш» бўлган, дейди вазирлик.
Шунингдек, Туркларнинг бу ҳаракатларини БАА, Ливан, Баҳрайн мамлакатлари ҳам танқид қилмоқдалар. Улар Туркия раҳбариятини ўз қарорини қайта кўриб чиқишга чақирдилар.
Uzbek